നെന്മേനി
ഗ്രാമ പഞ്ചായത്ത്

 കാഴ്ചപ്പാട്

നെൻമേനി ഗ്രാമ പഞ്ചായത്തോഫീസിൽ സമ്പൂർണ്ണ ഗുണമേന്മാ പരിപാലന സംവിധാനം നടപ്പിലാക്കി കൊണ്ട് സമൂഹത്തിൻറെ സർവ്വമേഖലകളിലും ഉള്ള ജനങ്ങൾക്ക് ഏറ്റവും മികച്ച സേവനങ്ങളും വികസന പദ്ധതികളും സുതാര്യവും സമയബന്ധിതവുമായി നൽകി, അവരുടെ പരിപൂർണ്ണ സംതൃപ്‌തിയും പഞ്ചായത്തിന്റെ സർവ്വതോന്മുഖവുമായ പുരോഗതിയും ഉറപ്പുവരുത്തി വയോജന - വനിത - ശിശു – പരിസ്ഥിതി സൌഹൃദ ഗുണമേന്മാ ലക്ഷ്യങ്ങൾ കാലികമായി പരിശോധിച്ചു കൊണ്ട് ഒരു ജന സൗഹൃദ കാര്യാലയമായി മാറുക എന്നതാണ് നെൻമേനിയുടെ നയം. 

നൂറുമേനിയുടെ നെൻമേനി  എന്ന ലക്ഷ്യത്തോടെ നെൻമേനി ഗ്രാമപഞ്ചായത്തിലെ ജനങ്ങൾ വിഭാവനം ചെയ്തതും ഭരണസമിതി അംഗീകരിച്ചതുമായ പദ്ധതികൾ സാമൂഹ്യക്ഷേമം, പൊതുജനാരോഗ്യം, ഗുണനിലവാരമുള്ള വിദ്യാഭ്യാസം, സുസ്ഥിര വികസനം എന്നിവയിലൂന്നി  നടപ്പിലാക്കുന്നതും  വിവിധ സർക്കാർ സേവനങ്ങൾ സമയബന്ധിതമായി ജനങ്ങളിലേക്ക് എത്തിക്കുക എന്നതും ഞങ്ങളുടെ പ്രധാന ലക്ഷ്യമാണ്.

പൗരാവകാശ രേഖയിൽ വിഭാവനം ചെയ്തിട്ടുള്ള സേവനങ്ങൾ പൂർണ്ണ ഉത്തരവാദിത്തത്തോടെയും സുതാര്യമായും ലഭ്യമാക്കാൻ ഭരണസമിതിയും ജീവനക്കാരും പ്രതിജ്ഞാബദ്ധരാണ്.  ജനസൗഹൃദപരമായ സമീപനത്തിലൂടെയും കാര്യക്ഷമമായ സേവന വിതരണത്തിലൂടെയും പൊതുജനങ്ങളുടെ പരിപൂർണ്ണ സംതൃപ്തി ഉറപ്പാക്കി ഈ ഗ്രാമപഞ്ചായത്തിന്റെ സർവ്വതോന്മുഖമായ പുരോഗതി മെച്ചപ്പെടുത്തുക എന്നതാണ് ലക്ഷ്യം.

ദൗത്യം

നെൻമേനി ഗ്രാമപഞ്ചായത്തിന്റെ കാര്യക്ഷമതയും സുതാര്യതയും വർദ്ധിപ്പിക്കുന്നതിനായി നൂറുമേനിയുടെ നെൻമേനി എന്ന ലക്ഷ്യ പ്രാപ്തിക്കായി താഴെ പറയുന്ന സുപ്രധാന ലക്ഷ്യങ്ങൾ നിശ്ചിത സമയപരിധിക്കുള്ളിൽ പൂർത്തിയാക്കാൻ ഞങ്ങൾ ബാധ്യസ്ഥരാണ്.

• അടിസ്ഥാന ആവശ്യങ്ങൾ കാര്യക്ഷമമായി നിറവേറ്റുക.
• ആരോഗ്യം, വിദ്യാഭ്യാസം, ശുചിത്വം, കുടിവെള്ളം തുടങ്ങിയ പൊതുസേവനങ്ങൾ മെച്ചപ്പെടുത്തുക.
• സ്ത്രീകൾ, കുട്ടികൾ, വയോജനങ്ങൾ, ഭിന്നശേഷിക്കാർ എന്നിവരുടെ ക്ഷേമത്തിനായി പ്രത്യേക പദ്ധതികൾ നടപ്പാക്കുക.
• കാർഷികം, സ്വയംതൊഴിൽ, സംരംഭകത്വം എന്നിവ പ്രോത്സാഹിപ്പിച്ച് സാമ്പത്തിക പുരോഗതി കൈവരിക്കുക.
• പരിസ്ഥിതി സംരക്ഷണത്തിനും ഹരിത വികസനത്തിനും മുൻ‌തൂക്കം നൽകുക.
• സുതാര്യവും ജനകീയവുമായ ഭരണസംവിധാനം ഉറപ്പാക്കുക.
• ജലജീവൻ മിഷൻ പദ്ധതിയുടെ ഭാഗമായി ഗ്രാമീണ കുടുംബങ്ങൾക്ക് സ്ഥിരതയുള്ള കുടിവെള്ള വിതരണം ഉറപ്പാക്കുക.

ഞങ്ങളുടെ നയം: "നൂറു മേനിയുടെ നെൻമേനി – എല്ലാവർക്കും സംതൃപ്തമായ സേവന ലഭ്യത "